管理層低估或錯估形勢？
我60幾歲人，都未見過香港依家呢個情況，好多都系第一次處理，所以唔會話管理層低估或者估錯，佢哋亦系第一次面對咁困難嘅情況，用番既定機制處理，但問得好好嘅系，系咪一個好嘅處理手法呢？
接任港鐵主席是上錯船？
我有冇上錯船呢？冇！身為一個香港人，如果有機會可以貢獻香港，我覺得系我嘅光榮。我知道系難，知道唔容易，但我好開心有一班好支持港鐵工作嘅董事，有一班非常勤力、好願意付出嘅管理層。
極速複修設施傳遞錯誤信息？
港鐵服務精神系唔可以畀呢啲人（暴徒）威脅，做咩掟爛我啲嘢就怕咗佢？我唔怕你，我做番畀你睇。另一個理由系我哋都要去面對其他正經嘅香港市民，系咪因為有一批暴力者無理衝擊，要令到其他幾百萬市民受苦呢？
教育病了？
我哋嘅教育制度，今次之後真系要反省，原來多年嘅教育制度唔系好睇住個形勢去處理，教佢加減乘除、教佢數理化，但忽略咗國民教育、中國歷史……我哋好多年輕人聽咗啲嘢唔識去分析，佢哋可以睇到世界各地嘅消息，但睇完之後點去吸收、分析呢？有人話呢粒糖好食，咁健唔健康先？食咗對你身體有冇好處定壞處？
|
