】 【打 印】 
民生零距離\派萬元提早兩天落袋\譚鳴
http://www.CRNTT.com   2020-07-04 11:11:02


  中評社香港7月4日電/據大公報報道,你登記咗一萬蚊現金發放計劃未啊?譚鳴就一早登記咗啦,仲係用電子登記添,真係一分鐘都唔使呀。政府話,六月份經銀行電子登記計劃嘅市民,可提早兩日於下禮拜一(7月6日)起收到錢啦。譚鳴都支持留港消費,“財爺”陳茂波話,款項提早發放,對很多食肆、零售商及企業來說,將有助盡早開啟“消費黃金檔期”,希望大家齊齊開心消費,振興香港經濟!

  譚鳴睇到“財爺”尋日喺社交媒體貼文話,現金發放計劃截至本周四已經收到超過550萬個登記,其中約200萬人於首日登記。由於逾八成登記是經銀行嘅電子登記,當中約六成透過網上銀行戶口完成,幫銀行慳咗唔少核對客戶身份嘅功夫,故此六月份內經銀行電子登記嘅430萬市民,可以提早於7月6日起收到一萬蚊。至於7月1日後遞交的銀行電子登記,登記後約一星期亦會收到錢。

  政府早前已經同21間銀行簽署現金發放計劃服務協議,市民經相關銀行網站或網上理財服務登記,係最快收到錢嘅方法。而不少銀行都提供領取一萬元嘅開戶優惠,有興趣嘅市民不妨向相關銀行查詢。

  至於用書面表格透過銀行或香港郵政登記嘅人士,當然無電子化咁方面,需按年齡分批登記,首批1955年或之前出生嘅人士,已於6月21日起開始登記;第二批(1956年至1970年出生人士)開始登記日期為7月5日,將於8月3日左右開始收到款項或領取支票通知。

掃描二維碼訪問中評網移動版 】 【打 印掃描二維碼訪問中評社微信  

 相關新聞: