|
| 李家傑警告，環球股市在3月跌勢更急。明報圖片 |
中評社香港1月23日電／人稱“亞洲股神”的香港富商李兆基，過去半年屢對港股作出種種預測，他的長子恒基地產副主席李家傑昨被問及“李家揸咁多貨，今日點呀？”時說：“你睇我今日個樣，幾好，無嘢。”至於對損手股民有何回應？他則說“早前已經叫人不要借錢炒股票啦……唔聽話借了錢的，我都無辦法”。
香港明報報道，李家傑一再強調，投資與投機有好大分別，市民不應借錢投機，又指“股神”那一代做事作風較穩陣，投資都會看基本因素。李並說： “只要沒有被人震出局，總有機會‘有仇報’，出了局就無辦法啦。”
記者問他港股是否已步入熊市，李家傑說：“你自己都睇到喇！”然後補充：“已經預咗，美國恐慌性拋售……每個人嘅投資策略都要量力而為，家惟有唔好被人震出局。其他唔掂嘅人惟有斬倉。”
他說，美國總統布什“諗緊計、抓晒頭”，全球都受美國股災殃及。股神曾預言恒指今春可見33000點，股神之子則大唱反調：“而家未係最嚴重，仲有個3月，歐洲銀行公佈業績，仲有好多負面消息未爆，到時（跌勢）仲勁呀！”
然後他開始為父親瀕臨破滅的“神話”開脫，還怪責小股民急功近利：“股神每件事都睇過度過、慢慢來，先至會成功。佢有毅力，會盡力而為。但係而家嘅年輕人只睇眼前利益，會搖擺，好似股市投資咁，炒出炒入。”
記者又問他，其慈善基金可會幫助水深火熱的股民一把，李家傑回應說：“我自己為基金draw咗一條line，救危不救貧。啲人瘋狂炒股，已經唔係一個人可以影響到個社會。”
記者再問，如有股民因為輸身家而做儍事，他可有說話勉勵，李家傑引述其慈善基金的格言說：“珍惜生命，珍愛自己。等待生命中最燦爛嘅時刻，等到呢個peak來臨，唔好受股市影響。” |
