梁：第二個關卡都無問題。千祈唔好當北京係抗拒民主，其實民主法治直情係國策。我哋見北京在香港實行的政策全部務實理性，大家可能記得曾先生曾被人形容為港英餘孽，都可以起用，證明係理性務實。如果香港選出來特首支持，四十位立法會議員支持，北京又支持理性務實，三個關卡都無，咪可以普選囉！
曾：港人係好務實，港人清楚那些係推砌的謊言，那些係無法實現的口號。最重要我哋有計畫如何實現爭取普選，我的計畫就係唔好睇○八年，睇今年年中開始啟動機器，我的計畫已經講得好清楚，係最務實最進取的方法。
三、論小班教學指曾無小班教學政策
選委施安娜問：曾生，今次參選承諾五年內全港大部分中小學推行小班教學，既然小班教學對學生有益，過去在任期間為何無提出此政策?甚至連方向都無?
曾：社會有無充分資源，老師及財政資源進行小班教育，技術上問題，全世界對小班教育同大班教育相對成績，無明顯分野。但香港已進行計畫，30多所小學已做緊，最近見資源充裕，可以擴大試驗，好有信心五年內逐步伸展。這次亦可見小班教學的扶持力及真正價值。
梁：有競爭先有進步，如果無今次有競爭的特首選舉，幾難有小班。因為曾生一直話小班教學成效不彰，如果真係做小班，應立即停止殺校、立即進行小班。其實最多每年小學實行小班都係二十四億，昨日綜合盈餘有五百五十一億，係原來估計的十倍，為何不立即實行?
曾：我想提醒Alan，又搞錯，將經常性開支同一次賺的撈亂，一次過賺的好似中馬標贏咗筆錢，拿拿聲請工人做事，你不可以這樣做。今次五百幾億盈餘，有三百幾億係賣地，如果個市唔好點算呀?兩樣嘢係分開，有經常性開支，非經常開支的。
梁：我想曾生要聽清楚財政司長的講法。唐司長話跟住幾年盈餘會愈來愈多，所以我真的不明白，為何係一次過的問題呢？ |
